www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Ош шаарынын мэрлигине Таалайбек Сарыбашев шайланды. Ага шаардык кеңештеги 45 депутаттын 44ү колдоп добуш берди деп билдирет Азаттык.
Мэрди шайлоо үчүн чогулган шаардык кеңештин жыйынында Сарыбашев шаарды өнүктүрүү боюнча өз программасын депутаттарга сунуштап, эки жыл аралыгында калааны иретке салып, өнүктүрүүгө убада берди.
Ошондой эле шаардык казынадагы көмүскө каражаттарды ачыкка чыгаруу, бала бакча, мектеп тартыштыгын чечүү менен билим берүүнүн деңгээлин көтөрүүнү башкы максаты катары белгиледи.
Депутаттар мэрге талапкерге суроо беришкен жок. Шаардык кеңештеги фракция лидерлери гана сунуштарды берүү менен чектелишти.
3-июлда Ош шаарынын мурдагы мэри Айтмамат Кадырбаев башка кызматка өткөнүнө байланыштуу ишин тапшырып берген.
47 жаштагы Таалайбек Сарыбашев буга чейин өкмөттүн Ош облусундагы өкүлү болуп эмгектенип келген. Аны шаардык кеңештеги көпчүлүк коалиция жалгыз талапкер катары сунуштаган.
Ош шаардык кеңешиндеги көпчүлүк коалицияга КСДП, "Бир Бол" жана "Мекеним Кыргызстан" фракциялары кирген. “Кыргызстан”, “Өнүгүү” жана “Республика - Ата Журт” партиялары оппозицияда.
Булак: NazarNews.kg
< Предыдущий
Следующий >
Последние новости
