Өз кезегинде Өзбекстанда кыргыз жетекчилер көп эле деген пикирин тарыхчы Кыяс Молдокасымов жазып чыкты.

Өзбекстан КП БКнын биринчи катчысы Усман Юсупов:

- Кыргыздар менин таекелерим. Чоң энем кыргыз болуптур. Менде анча-мынча кыргыздын да каны бар. Кыргыздар өздөрү да жакшы эл. Исхак Раззаков деген жигердүү, таланттуу жигит Борбордук Комитетти башкарат, биз анын айткандарын, анын кеңеш-насыяттарын аткарабыз.Борбордук облусубуз Ташкен обкомунун биринчи катчысы – Социалисттик Эмгектин Баатыры, улуту кыргыз Азиз Токтобаев иштейт, ал дагы мыкты кызматкер. Кыргыздар кандай жакшы кызматтарды ээлеп алышканын көрдүңүзбү?! – деп күлө багып агынан жарыла сүйлөдү. (Казы Дикамбаев Кыргыз ССРинин Министрлер Кеңешинин төрагасы)

Булак: NazarNews.kg