Эпчилдерге айлак жок, эмне деп сөз айтарыңды дагы билбейсиң. Амстердам шаарында өлүк узатуу өндүрүшү боюнча көргөзмөдө Александр Банник менен Филип Ницшке өз өмүрүнө өзү кол салгандар үчүн атайы капсуланын макетин алып чыгышкан.

Иштелменин авторлорунун пикирине ылайык, капсула жашоодон кечкен адамды оорутпай, кыйнабай тез өлтүрөт.

Тагыраак айтканда, "азот толтурулган капсулага жаткандан кийин адам бир аз башы айланганын сезет, анан бат эле эсин жоготуп коёт да тиги дүйнөгө узай берет", - деп Филипп Ницшке капсуланын чоо-жайын түшүндүрөт.

Окумуштуулар иштелменин чыныгы үлгүсүн ушул жылдын аягында жаратууга ниетенишүүдө.

Булак: "Сырдуу дүйнө"