Өзбекстан коронавирус пандемиясына байланыштуу башка өлкөлөр менен авиакаттамдарды токтотуу мөөнөтүн 30-июнга чейин узартты. Чечим Коронавирус инфекциясынын жайылышына каршы күрөшүү боюнча атайын комиссиянын жыйынында кабыл алынды. Бул тууралуу өкмөттүн басма сөз кызматы билдирди.

Uzbekistan Airways улуттук авиакомпаниясы жарандар 30-июндан кийин билет ала баштаса боло турганын кабарлады.

Өзбекстанда 30-марттан 20-апрелге чейин жүргүнчү ташыган бардык учактардын иши толугу менен токтотулган. Кийин карантин 10-майга чейин узартылган.

Чет өлкөдөгү өзбекстандыктарды алып келүү үчүн чартердик каттамдар уюштурулган.

Өлкөдө жүк ташуучу авиакаттамдар иштеп жатат.

Булак: NazarNews.kg