Израиль премьер-министри Биньямин Нетаньяху Палестина мамлекетинин түптөлүү мүмкүнчүлүгүн четке кага турганын айтты. Бул тууралуу РИА Новости Politico басылмасына таянып жазды.

"Менин айтканымды 7-октябрдан кийин Палестина мамлекетин көргүбүз келбейт деген израилдиктердин көбү колдойт", — деген Нетаньяху интервью берип жатып.

Аткаминер, мындан сырткары, Израиль Иордан дарыясынан тарта Батышты көздөй Палестина аймактарына көзөмөл кылышы керек деген да пикирин айткан.

Эске салсак, Израиль менен Палестинанын кырды бычак мамилеси 2023-жылдын 7-октябрынан тарта ХАМАС Израилге сокку урду делгенден тарта курчуп кеткен. Мындан кийин анын жоокерлери еврей мамлекетинин түштүк аймактарына кирип барып, кыймылдын аскердик канаты "Аль-Акса топон суусу" операциясын жарыялаган. Жооп иретинде ЦАХАЛ ХАМАСка каршы "Темир кылыч" операциясын баштаган. Израиль чабуул жасалгандан бир нече күн өткөн соң Газа менен чектешкен калктуу конуштарды кайра өз көзөмөлүнө алып, сектордун аймагындагы объектилерге сокку ура баштаган. Мындан тышкары, аймакты толугу менен блокадалап, суу, азык-түлүк, электр кубаты, дары-дармек, отун ташуу токтотулган.

Израилде, өкмөттүн акыркы маалыматы боюнча, 1,2 миңге жакын адам каза таап, 5 миңден ашууну жарадар болгон. Ал эми Газа тилкесинде 31 миңдей адам набыт болуп, 72 миңден көп киши жаракат алганнын алардын Саламаттыкты сактоо министрлиги билдирген.

Тараптардын аймактык кызыкчылыгына байланышкан палестиндер менен израилдиктердин жаңжалы ондогон жылдардан бери ал чөлкөмдөгү кагылышуунун себепкери болуп келет. СССРдин кийлигишүүсү менен 1947-жылы БУУ Израиль жана Палестина мамлекеттерин түзүү чечимин кабыл алган. Бирок натыйжада Израиль гана түзүлгөн. Тель-Авив эки өлкө принцибине макул болгону менен палестиналык аймактарды бошотпой келет.