Пандемиядан кийин кайсы мамлекеттердин экономикасы тез калыбына келээри айтылды. Бул тууралуу чет элдик басылмалар жазып чыгышты.

Маалыматка ылайык, Австралия, Жаңы Зеландия, Түштүк Корея аз убакыттын ичинде коронавирус илдетин ооздуктап, экономикасын калыбына келтирди. Бул учур мамлекеттерге башка өлкөлөргө салыштырмалуу жакшы позицияны ээлегенге мүмкүнчүлүк берди.

"Бул мамлекеттердин кайрадан экономикалык ишмердүүлүгүн жандандырууга даяр экендиги, алар экономиканын калыбына келүү жаатында АКШдан алдыга чыккандыгын түшүндүрөт. Демек бул көрүнүш алардын валютасынын өсүшүнө таасир этет", - деп адистер билдиришкен.

Ошондой эле, адистер дүйнөнүн Азия аймагы Европа өлкөлөрүнө жана АКШга караганда, коронавирус менен каршы күрөшүүдө мыкты натыйжаларды көрсөткөн.

Булак: NazarNews.kg