Жогорку Кеңештин тармактык комитети партиялар боюнча мыйзамды биринчи окуудан карай баштады. Ал мыйзам долбоорунун демилгечилеринин бири депутат Айнуру Алтыбаеванын айтымына караганда бул долбоор колдоо таап, ишке ашып калса анда шайлоо жыйынтыгына жараша көп добуш алып, жеңишке жеткен партиялар мамлекет тараптан каражат алып калат. Кайсы арына десең?

Албетте, шайлоодо бийликчил жана байлардын партиясы акчанын күчү менен утушка ээ болушат. Анан ошол колдоосу күчтүү партиялар мамлекеттик казынага кол салып, өз кызыкчылыктарын ишке ашырууга оңбогондой акча алышат эй...

Мындай өзүм билемдик, нааданчылыкка эгерим жол бербешибиз зарыл. Болбосо, бул маселе бийликчил партиялар өздө-рүнө кам көрүп, жамбаштап жатып алып "жайлай" турган жайлоосун "майлуу-сүттүү" кылууга багытталып турганы Эштекбайдан энөө баласына деле бештен белгилүү болуп турат. Мындай сугалыктык, мындай ыкма менен калктын жонунан ка-йыш тилүү маселеси Акаев, Бакиев, Атамбаевдин тушунда да болгон эмес. Эгер, бул мыйзамга президент Жээнбеков кол коюп, колдоп койсо анда бул мыйзам анын бетине чиркөө болуп, тарыхта аты кара тамгалар менен жазылып калат. Бирок эл деле бул ишке жол бербейт. Андыктан, бийликчил билерман, бирок элди ойлобой, өзүн ойлоп жаткан езүмчүл атка минерлер эмитен кысчу жерин кыспаса, эртең кеч болуп калат. Элдин каргышынан да коркуу зарыл эмеспи...

Баса бул мыйзам долбоорун таңуулап аткан "таң булбулдарынын" бири Алтыбаеванын да партиясы бар. Бул айым 10 жылдан бери депутат. Бирок элге кылган омоктуу эмгеги жок... иши кылып илешкенден илешип эле келаткан салмагы жоктордун бири..

Булак: Багыт.kg