“Педофил» деп шектелген адам кармалды

Журналист: NAZARNEWS

23.05.2017, 3:37

23700

коом

«Абайлагыла, балдарды ыйлатып жүргөн адам педофил болуп калышы ыктымал» деген жоромолдор айтылып, интернетте кызуу талкууланып жаткан эле. Ал аңгыча ал кармалганы айтылды. Кызыгы, ал балдардын атасы болуп чыккан.

Түшүнүктүү болуш үчүн окуяны башынан айтып берсек. Мындай маалыматты алгач Евгения менен Василий аттуу жаш үйбүлө тараткан. Алар балдары менен Беш-Күңгөй айылы жактагы тоого эс алууга барышкан. Ал жактан алтын түстүү “Ауди 100” маркасындагы машинадан балдардын кыйкырып ыйлаганын угуп, чуркап барышкан. Машинанын сыртында коркуп турган кичинекей баланы, машинанын ичиндеги арткы отургучта чоң киши менен ыйлап отурган кичинекей кызды көрүшкөн. Кишидин эмне болгонун сурашса, ал нервденип, кыйкырып машинанын алдына секирип түшүп, отуруп, катуу айдап качып кеткен. Алар артынан кууп жетпей калышкан. Машинанын номерин жаттап калышып, дароо милицияга билдиришкен.

Милиция аны бүгүн кармаганы билинди. Машинанын ээсин Аламүдүн райондук милициясы издеп тапкан. Кызыгы, ал адам машинанын ичиндеги балдардын атасы болуп чыккан. Балдардын апасы өзү милицияга келип билдирген. Күйөөсү менен жашабай калганына бир жыл болгон. Атасы балдарын бир, эки күнгө алып кетип турарын, бу жерде эч кандай зордук-зомбулук жок экенин айтып берген.

Булак: «NazarNews.kg»