Россиянын 71 жаштагы тургуну 2022-жылдын аягында Өзбекстандын эки жараны үйүндө иштетем деп 200 долларга сатып алган. Бул тууралуу орусиялык маалымат каражаттарына таянуу менен Podrobno.uz сайты жазып чыкты.

Маалыматка ылайык, кулчулукка Россияда мыйзамсыз жашаган 31 жаштагы эркек менен 27 жаштагы аял кабылган. Алар полиция келгенге чейин 6 айга жакын бакчада иштешкен.

Пенсионер-кул ээси кармалып, "Адамды уурдоого байланышпаган мыйзамсыз түрдө эркиндигинен ажыратуу" жана "Мыйзамсыз миграцияны уюштуруу" беренелери боюнча кылмыш иши козголуп, учурда ал СИЗОдо.

Өзбек жарандарын сатып жиберген белгисиз сатуучулар издөөгө алынды. 

Булак: NazarNews.kg