Орусия президенти Владимир Путин ЛДПР лидери Владимир Жириновский менен коштошот. Бул тууралуу анын басма сөз катчысы Дмитрий Песков билдирди. «Президент Жириновский менен сөзсүз коштошот», - деди Песков журналисттердин Путин саясатчы менен коштошууга келеби деген суроосуна жооп берип жатып. Ошол эле учурда Песков коштошуу аземине Путин катышаар-катышпасын тактаган жок.

Белгилей кетсек, буга чейин орус президенти көңүл айткан. Ал Жириновскийди тажрыйбалуу саясатчы, жаркын оратор жана талаш-тартышчыл деп атады. Путин ЛДПР лидеринин парламентаризмди жана ички мыйзамдарды өнүктүрүүгө кошкон зор салымын белгиледи.

Эске салсак, Владимир Жириновский 6-апрелде 75 жашында каза болгон. ЛДПР лидери коронавирус илдетине кабылып, февраль айынын башында оор абалда ооруканага түшкөн. Ошондон бери жакшы боло албай жаткан.

Булак: NazarNews.kg