Кремль Орусияны обочолонтуу аракети жана Украинанын президенти Владимир Зеленскийдин тиешелүү чакырыктарынын келечеги жок деп эсептейт. Бул тууралуу РФ президентинин басма сөз катчысы Дмитрий Песков билдирди.

«Балким, бул учурда ой жүгүртүүдөгү акылга сыйбастык масштабдан чыгып кетет. Муну өтө терс гана кароого болот. Мындай демилгелердин жыты анча деле жакшы эмес», - деди Кремлдин басма сөз катчысы.

Песков ошондой эле орус бийликтери Батыш Зеленскийдин Орусияга каршы демилгелерине реакция кылбайт деп үмүттөнөрүн тактады.

Буга чейин Украинанын президенти Владимир Зеленский Батыш лидерлерин орус жарандарына өз мамлекеттерине кирүүгө тыюу салып, толук изоляция киргизүүгө чакырган. Анын пикиринде, орустарга карата «коллективдүү жоопкерчилик принцибин» колдонуу керек.

Орусиянын Коопсуздук кеңешинин төрагасынын орун басары Дмитрий Медведев менен Крымдын башчысы Сергей Аксенов Зеленскийдин билдирүүсүнө кескин түрдө терс реакция кылышты жана Батыш лидерлери дагы эле анын чакырыгына кулак салууга шашылбай жатышат.

Булак: NazarNews.kg