Айрым айдоочулар карантин кирген аймактарда эреже бузуп, бейтаптарды ооруканага алып барам же пенсионерлерге азык-түлүк жеткирем деген шылтоо менен жеке иштерин бүтүрүп жүрүүдө. Бул тууралуу Республикалык штаб билдирди.

Штаб өзгөчө абал режими киргизилген аймактардагы карантиндик-санитардык посттордон талап кылынчу документтерди да атады. Алар:

паспорт;

иштеген, жашаган жеринен маалымкат;

маршруттук баракча;

айдоочунун күбөлүгү;

унаа документтери;

атайын өткөрмө кагазы.

Акыркы маалыматтарга таянсак, Кыргызстанда коронавируска кабылгандардын саны 466га жетип, анын 91и айыгып чыкты. Оорунун кесепетинен беш адам каза тапкан.

Булак: NazarNews.kg