Бүгүн, 30-апрелде Жогорку Кеңештин жыйынында депутаттар Кенжебек Бокоев, Исхак Масалиев жана Наталья Никитенколор жыйынга премьер-министр Мухаммедкалый Абылгазиевди чакырууну сунуштады.

Бул боюнча Кенжебек Бокоев: "Карантин киргизилгенден бери болгон жалпы маалыматты өкмөттү чакырып уксак. Тыштан келген карыздар тууралуу айтылып жатат. Ал каражаттар кандай максатта таратылып жатат? Ичип, жеп коюшкан жокпу, бир бейтапка 3 миң доллар кеткен жокпу? Азык-түлүк коопсуздугу боюнча мыйзамдын аткарылышы тууралуу маалыматты угуу керек. Буудайдын, ундун баасы кымбаттады. Себептерин премьер-министр келип айтсын.

Ошону менен катар эле эл "Жогорку Кеңеш эмне үчүн иштебейт" деп сындап жатышат. Комитеттер, фракциялар иштеш керек эле", - деди Бокоев.

Эске сала кетсек, 15-апрелдеги Жогорку Кеңештин жыйынында да депутаттар премьер-министр Мухаммедкалый Абылгазиевди чакыртуу сунуштарын беришкени менен Абылгазиев жыйынга келген эмес. 

Булак: NazarNews.kg