12-декабрда президент Шавкат Мирзиёев фтизиатрия жана пульмонологияны өнүктүрүү, СПИДдин алдын алуу боюнча кеңешме өткөрдү. Бул тууралуу президент.уз сайты жазып чыкты.

Мамлекет башчысынын 2019-жылдын 13-февралындагы токтому менен фтизиатрия жана пульмонологиялык жардам көрсөтүү системасын өркүндөтүү боюнча чаралар көрүлгөн. Бул олуттуу жыйынтык берди, жалпы оорулуулардын саны 2 миңге азайды. Жаңы учурлар 10% га, өлүмдөр 17% га кыскарган.

Бирок акыркы жылдары коронавирустук эпидемиядан улам өлкөдө өпкө оорулары боюнча диспансердин көзөмөлүндөгү бейтаптардын саны 18% көбөйгөн.

Аймактарда кургак учукка каршы жогорку технологиялык хирургиялык процедуралардын 5 түрүнө суроо-талап бар болгону менен, бул кызматтар Ташкент жана Нукус шаарларында гана толук ишке ашырылган.

Адамдын иммундук жетишсиздигинин вирусуна чалдыккандар да тилекке каршы көбөйүүдө. Бул өзгөчө Ташкент шаарында, Анжиян жана Самарканд облустарында актуалдуу.

Андыктан адистердин катышуусунда өткөн жыйында бул эки багыттагы кийинки иш-чаралар талкууланды.

Келерки жылдан тарта Өзбекстан Республикасынын Президенти тарабынан «Өпкө ден соолугунун» көчмө бригадалары түзүлүп, алыскы аймактардагы балдарды скринингдик текшерүүдөн өткөрүү боюнча буйрук чыкты.

Кургак учук инфекциясынын молекулярдык-генетикалык диагностикасынын, жашыруун инфекциясы бар бейтаптарды аныктоонун жана профилактикалык дарылоонун көлөмүн көбөйтүү зарылчылыгы баса белгиленди.

Аймактардын губернаторлоруна аймактардагы фтизиатриялык ооруканаларды оңдоп-түзөө жана жабдыктоо, бактериологиялык лабораторияларды уюштуруу тапшырылды.

Саламаттыкты сактоо министрлигине кургак учук менен ооругандарды дары-дармек менен бекер камсыз кылуу милдети жүктөлүп, мамлекеттик бюджеттан 40 млрд сум бөлүндү.

ВИЧ инфекциясы боюнча иликтөөнү кеңейтүү менен 3 миллион адамды камтуу чаралары белгиленди. Ошондой эле мындай бейтаптарга вируска каршы дарылардын 22 түрү бекер берилген.

Облустук СПИДге каршы күрөшүү борборун жана райондор аралык лабораторияларды оңдоп, заманбап медициналык жабдуулар менен жабдылышына жооптуу.

ВИЧ-инфекциясы тууралуу калк арасында оору жана анын кесепеттери тууралуу түшүндүрүү иштерин жүргүзүү маанилүү экендиги белгиленди.

Жалпысынан ушулардын бардыгын эске алуу менен фтизиатрия, пульмонология жана СПИД багыттары боюнча программалык чечимдерди иштеп чыгуу милдети коюлду.