Президент Сооронбай Жээнбеков Ысык-Көлдө сүт тармагын өнүктүрүүгө багытталган мыйзамга кол койду.

Эскерте кетсек, 27-декабрда Жогорку Кеңеш “Бишкек шаарында 2017-жылдын 10-августунда кол коюлган. Кыргыз Республикасы менен "Эл аралык өнүктүрүү ассоциациясынын ортосундагы сүт секторунун өндүрүмдүүлүгүн комплекстүү жогорулатуу боюнча долбоорду каржылоо жөнүндө макулдашууну ратификациялоо тууралуу” мыйзамды 3-окууда жактырган.

Мыйзамга ылайык, долбоордун жалпы наркы Эл аралык өнүктүрүү ассоциациясынын эсебинен каржылануучу 5 миллион долларды түзөт. Долбоордун 1-фазасы 3 жылдын ичинде ишке ашырылат. 5 миллион доллардын 2 миллион 25 миң сом – грант, ал эми 2 миллион 75 миң сом – насыя. Насыя 38 жылдык мөөнөткө берилет. Жеңилдетилген мөөнөтү 6 жыл. Пайыздык ставка – жылына 0,75 пайыз.

Долбоор Ысык-Көл облусунда сүт тармагын өнүктүрүүгө тоют өндүрүү, ветеринардык кызмат көрсөтүү жана идентификацияны өткөрүү, ошондой эле дыйкандарга инвестициялык колдоо аркылуу көмөктөшүү максатында иштелип чыккан. Анын жүзөгө ашырылышы менен Ысык-Көл облусундагы фермерлердин потенциалынын бекемделиши, сүт азыктарын өндүрүү көлөмүнүн өсүшү күтүлүүдө.

Булак:NazarNews.kg