Бүгүн, 11-ноябрда укук коргоочу, «Реформа» партиясынын лидери Клара Сооронкулова президенттикке катышуу үчүн Борбордук шайлоо комиссиясына арыз берди. Бул тууралуу аталган партиянын мүчөсү, укук коргоочу Рита Карасартова кабарлады.

Клара Сооронкулова алдыдагы президенттик шайлоого катышууга арыз берген жалгыз аял талапкерлер болду.

Белгилей кетсек, талапкер болууну каалагандар 15-ноябрга чейин БШКга арыз берип, 7-декабрга чейин 1 млн сомдук күрөө жана керектүү документтерди тапшырышы керек.

Ал эми өлкөдө кезексиз президенттик шайлоо 2021-жылдын 10-январына белгиленген.

Булак: NazarNews.kg