АКШнын демократиялык партиясынан президенттикке талапкер Жо Байден мурдагы жардамчысына сексуалдык ыдык көрсөткөнү тууралуу айыптоолорду четке какты. Бул тууралуу чет элдик басылмалар жазып чыкты.

Байден MSNBC жаңылыктар каналына 1-майда маек куруп, 27 жыл мурда болгону айтылып жаткан окуя "эч качан болбогонун" айтты.

«Жок, бул калп. Мен ачык айтам, мындай болгон эмес", - деди 77 жаштагы Байден.

Эске сала кетсек, 1992-1993-жылдары Байдендин сенаттык кеңсесинде жардамчы болуп иштеген Тара Рид 29 жашында Байденден сексуалдык ыдык көргөнүн айтып чыккан. Риддин сөзүн анын мурдагы коңшусу бекемдеп, 1990-жылдардын башында ага Рид бул жагымсыз окуя тууралуу айтып бергенин билдирген.

Булак: NazarNews.kg