Россиянын президенти Владимир Путин өлкөдө 4 миллионго жакын адамдын Ковид-19га каршы эмделгенин билдирип: «2 миллиондон ашуун адам эки доза вакцина алышты. Андан бираз азыраак б.а 2 миллионго жакын адам биринчи дозасын сайдырышты»,-деди. Бул тууралуу трт.нет жазып чыкты.

Путин жардам уюмунун ыктыярчылары менен өткөргөн жыйында, өлкөдөгү Ковид-19га каршы эмдөө процесси жөнүндө билдирүү жасады.

Путин өлкөдө эмдөө процессинде кээ бир көйгөйлөр бар экендигин белгилеп: «Логистика, бөлүштүрүү жана эмдөө пункттарын уюштурууга байланыштуу көйгөйлөр бар. Менин билишимче, эмдөө иштери өлкөнүн 9 аймагында баштала элек»,-деп айтты.

Россияда жуктургандардын саны азайганын бирок коркунуч жоюлбагандыгын баса белгилеген Путин, эл аралык аренада Ковид-19га каршы күрөшүү боюнча демилгелердин бириктирилиши зарылдыгына көңүл бурду.