КМШнын Парламент аралык ассамблеясы террорчулукка, чек арадагы кылмыштуулукка жана башка эл аралык коопсуздукка байланышкан коркунучтарга каршы күрөшкө олуттуу салым кошууда. Бул тууралуу Орусия президенти Владимир Путиндин юбилейлик пленардык жыйындын катышуучуларына жолдогон куттуктоосунда айтылганын РИА Новости жазды.

Пленардык жыйын Алматыда өтүүдө. Путиндин текстин РФтин Федералык кеңешинин төрайымы, КМШ ПААнын кеңешинин башчысы Валентина Матвиенко окуп берди.

"Сиздерди Күнкорсуз мамлекеттер шериктештигинин Парламент аралык ассамблеясынын 30 жылдыгы менен куттуктайм. Шериктештиктин органдар системасында Ассамблея маанилүү орунду ээлейт, ал көп тараптуу кызматташуунун натыйжалуу жана өтө керектүү түзүмү болуп саналат", — деп айтылган Путиндин кайрылуусунда.

Орусиянын президенти шериктештикке кирген өлкөлөрдүн мыйзам чыгаруучу органдарынын ортосундагы тажрыйба алмашуу улуттук деңгээлдеги укуктук жөнгө салуунун натыйжалуулугун жогорулатканга жана интеграциялык иштер үчүн шарт түзүүгө жардам бере турганын айткан.

"Акыркы жылдары Парламент аралык ассамблеянын алкагында экономикалык, социалдык жана гуманитардык тармактарда кызматташтыкты өнүктүрүү, ошондой эле коронавирус пандемиясынын кесепеттерин жоюу боюнча көп иш жасалды", — деп айтылган кайрылууда.

Ошондой эле Парламент аралык ассамблеянын өкүлдөрү КМШ аймагында өткөн шайлоолордо дайыма байкоочу катары катышып келээри белгиленген.

Булак: NazarNews.kg