"Freedom House" көз карандысыз уюму Кыргыз өлкөсүн 100 баллга чейинки көрсөткүч менен санаганда 33 балл менен Борбор Азиядагы жалгыз гана салыштырмалуу эркин мамлекет деп тапты. Ал эми Казакстан 22, Тажикстан 11, Өзбекстан 3 балл менен эркин эмес өлкөлөрдүн катарын толуктаган.

"Кыргыз жериндеги саясий элита өз кызыкчылыгы үчүн Конституциялык өзгөрүүлөр боюнча референдум өткөргөн болчу. Өзгөрүүлөр боюнча бийлик президенттен премьер-министрге өтөт. Мындай кадам президенттик мөөнөтү аяктаган соң бийликти сактап калуу аракетинде Алмазбек Атамбаев тарабынан киргизилген", - деп жазылган маалыматта.

Белгилүү болгондой, 195 мамлекеттин ичинен 87 өлкө эркин мамлекет, 59 салыштырмалуу эркин жана 49 өлкө эркин эмес мамлекет деп табылган. Эң начар көрсөткүч Жакынкы Чыгыш өлкөлөрүндө, Түндүк Африкада жана Евразияда катталган.

Белгилей кетсек, "Freedom House" - демократияны колдоого алып, 1941-жылы АКШда негизделген уюм.

Булак: NazarNews.kg