Роналдиньо Кыргызстанга келген жок. Бул тууралуу «Манас» эл аралык аэропортундагы булактар ​​тастыктаганын 24.kg агенттиги жазды.

Айрым маалыматтарга караганда, Роналдиньону “салык төлөбөгөндүктөн” Бразилиядан чыгарбай коюшкан. Футболчу бүгүн саат 13.55те “Манас” аэропортуна конгон учактын жүргүнчүлөрүнүн тизмесинде болгон жок.

Буга чейин "Барселона" футбол клубунун президенти Жоан Лапорта легендарлуу футболчу Роналдиньо Кыргызстанга учуп келерин билдирген. Кыргыз Республикасында “Барса” футбол академиясын ачуунун демилгечилеринин бири “ЖалГрупп Азия” ЖЧКсынын жетекчиси Айбек Алыбаев да спортчу Бишкекке бүгүн келет деп ишендирген. Ал 

Эске салсак, чет элдик басылмалар "Алтын топтун" ээси, футболчу Роналдиньонун алдамчылык иши боюнча соттук отурумдарга келбей калганы үчүн Бразилиядан чыгууга тыюу салынганын жазып чыгышкан.

Белгилей кетсек, 30-августта саат 20.00дө Бишкектин «Спартак» стадионунда «Барселона» футболдук клубунун легендалары менен беттеш болот. Алар "Азия легендалары" командасы менен беттешет. "Барселонанын" футболдук командасынын капитаны Карлес Пуйоль буга чейин борборго келген. Анын артынан Ривалдо Феррейра жана Хавьер Савиола учуп келишкен.