Кечээ, 2-августта Кыргыз өлкөсү менен Орусиянын ортосундагы расмий сүйлөшүүнүн натыйжасында Чечен Республикасы тарабынан жалпы суммасы 51 миллион 41 миң 917 рублга барабар болгон кайтарымсыз жардам жиберилди. Бул тууралуу республикалык штабдан кабарлашты.

Маалыматка ылайык, гуманитардык жардам бүгүн кыргыз-казак чек арасынын “Ак Тилек” өткөрмө посту аркылуу Кыргыз өлкөсүнө киргизилген жана тийиштүү процедуралар өткөрүлгөндөн кийин Саламаттыкты сактоо министрлигинин Дары-дармек менен камсыздоо жана медициналык техника департаментинин кампасына түшүрүлөт.

Орусиянын “Фармстандарт” ачык акционердик коому Саламаттыкты сактоо министрлигине гуманитардык жардам катары:

• коргоочу кобинезондор - 24 миң 100 даана;
• үч кабаттуу беткап - 24 миң 729 даана;
• полимердик материалдан жасалган көз айнек - 5 миң 248 даана;
• бет калкандар - 10 миң 649 даана жана башка медицина тармагына муктаж болгон каражаттар.

Булак: NazarNews.kg