Россия Кыргызстандын негизги соода өнөктөштөрүнүн бири жана соода көлөмү боюнча Кытайдан кийинки экинчи орунда турат. Бул тууралуу 2023-жылдын 20-июнунда Экономика жана коммерция министрлигинин тышкы байланыштар башкармалыгынын башчысы Асел Бегматова Бишкекте өткөн маалымат жыйынында билдирди.

2018-жылдан 2022-жылга чейинки мезгилде Кыргызстан менен Россиянын ортосундагы өз ара соода жүгүртүү 1,7 эсеге өскөн.

А.Бегматова билдиргендей, 2022-жылы Кыргызстандын соода жүгүртүүсүндөгү Россиянын үлүшү 24,7%ды, экспортто 44,1%ды, импортто 23,6%ды түздү.

Кыргызстандын статистикасына ылайык, Орусия менен өткөн жылы соода жүгүртүү 3 миллиард 234,6 миллион долларды түзсө, 2023-жылдын январь-апрель айларында эки өлкөнүн ортосундагы соода жүгүртүү 702,1 миллион долларды түздү.

Булак: NazarNews.kg