www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Президент Садыр Жапаров чек арачылар менен бажы кызматкерлеринин массалык түрдө кармалганын билдирди.
12-октябрда Баткен облусунун Лейлек районунун тургундары менен болгон жолугушууда ал контрабандага жол бербөө жана импорттук товарларга бажы төлөмдөрүн алуу талабы коюлганын айтты.
«Ошондуктан бюджет өсүп жатат. Силердин оюңарча, мен экономиканы кантип көтөрөм? Кечээ 15 бажы кызматкери жана чек арачы кармалды. Контрабандалык жүктөрдү өткөрүп, акча чогултуп келишкен. УКМК орноткон жашыруун камерага түшкөн видеону көрдүм. Камера 15 күн бою турган. Күн сайын акча чогултушкан, конвейер сыяктуу эле. Айдоочулар кирип, акчаларын калтырып кетишет. Андан кийин бажы кызматкери кирип, акчаны чөнтөгүнө салат. Кийин чек арачы кирип, ал да акчаны чөнтөгүнө салат. Азыр алар камакта», — деди президент.
Эске салсак, 9-октябрда Алмаз Салиев Мамлекеттик бажы кызматынын төрагасы кызматынан бошотулган. Тиешелүү тескемеге президент Садыр Жапаров кол койгон.
Мамлекеттик бажы кызматынын төрагасы болуп Улан Кимсанов дайындалган.
< Предыдущий
Следующий >
Последние новости
