Жогорку Кеңештин жетинчи чакырылышы курамына фракция мүчөлөрү кирген комиссия түзүп, депутаттарга кызматтык кабинеттер бөлүштүрүлөт, деп билдирди депутат Сайдулла Нышанов («Ата Мекен») 9-декабрда журналисттерге.

«Кабинеттер статусуна жараша бөлүштүрүлөт – вице-спикерлерге, фракциялардын төрагаларына. Калган кеңселер пропорционалдуу бөлүштүрүлөт, тиешелүү чечимди комиссия чыгарат», - деди ал.

Анын айтымында, болочок депутаттар кабинеттерди «брондой албайт», мыйзам боюнча комиссия бөлүштүрөт. Жаңы чакырылыш өзү чечет, деп кошумчалады ал.

Булак: NazarNews.kg