“Северэлектро” ААКнын абоненттеринин электр энергияга болгон карызы  биринчи ноябрга 493 млн. сомду түздү. Он айдын ичинде керектөөчүлөрдүн электр энергияга болгон дебитордук карызы 293,2 млн. сомго же 37,3 % төмөндөдү. Бул тууралуу маалыматты NazarNews.kgге «Северэлектро» ААК басма сөз кызматы билдирди.

Карыздын 270,4 млн.сомго же 46 % төмөндөшү “калк” категориясында катталган.

Бюджеттик уюмдар карыздарын - 11,4 млн.сомго же 17%;

Айыл-чарба керектөөчүлөрү - 748,9 миң сомго же 16,4 %;

башка керектөөчүлөр – 10,7 млн.сомго же 12,9 % төмөндөтүшкөн.

“Өндүрүштүк объектилер” категориясында дебитордук карыздын кичине өсүшү 76,6 миң сомго же 0,2 %  жогорулады.

Дебитордук карыздын төмөндөшү “Северэлектро” ААК тейлеген бардык аймактарда бишкектиктер керектелген электрэнергияга болгон карыздарын 141,3млн. сомго(49% га)азайса, Чүй облусунун керетөөчүлөрү энергетиктерге болгон карыздарын 124,1 млн. сомго (32,1%га), Талас облусунун туругндары дебитордук карызын 27,8 млн. сомго (25 %га) төмөндөткөн. 

Булак: NazarNews.kg