Бүгүн, 10-февралда Бишкек шаарынын мэриясынын имаратынын алдында митинг өтүп жатат. Болжол менен 50 чакты адам чогулган.

Нааразы болуп чогулгандар мэрдин милдетин аткаруучу кылып башка адамды дайындоону талап кылып жатышат. Митингчилер талапкер «Мекенчил» партиясынын өкүлү болсун деген талабын айтышты.

9-февралда эртең менен Бишкек шаарынын мэринин милдетин аткаруучу болуп Эрмек Нургазиев дайындалган. Бирок премьер-министрдин бул чечими бир күндөн кийин жокко чыгарылганы жарыяланды.

Бүгүн, 10-февралда эртең менен Бишкек шаарынын мэринин милдетин аткаруу Бактыбек Кудайбергеновго жүктөлгөнү белгилүү болду.

Булак: NazarNews.kg