ЕАЭБтин бажы аймагына товарларды жана транспорт каражаттарын мыйзамсыз ташып кирүү/чыгуу фактыларын табуу жана аларга бөгөт коюу боюнча жүргүзүлгөн ыкчам иш-чаранын жыйынтыгында, “Ыкчам” бажысынын кызматкерлери Ош областында “А.Ы.А.,” аттуу Кыргыз Республикасынын жаранынын башкаруусундагы “Мерседес Бенц 2538” үлгүсүндөгү автотранспорт каражатын токтотуп текшеришкен. Бул тууралуу Бажынын басма сөз кызматы билдирди.

Жогоруда көрсөтүлгөн транспорт каражатынын жүк бөлүгүн текшерген учурда Кыргыз Республикасына чектеш мамлекеттен мыйзамсыз ташылып келе жаткан жалпы салмагы 9280 кг болгон жез жана латун металлдарынын калдыктары табылган.Кармалган товардын жалпы наркы 3000000 сомдон ашуун. Бул факт Кылмыштардын жана жоруктардын бирдиктүү реестрине катталып, материалдар тергөөгө караштуулугу боюнча өткөрүлүп берилди.

Булак: NazarNews.kg