Шакинин "кан достору" Жогорку Кеңештен кете башташты
Саясат  |   |  1948

«Кыргызстан» фракциясынын лидери Алмаз Баатырбеков Жогорку Кеңештин депутатынын ыйгарым укуктарын мөөнөтүнөн мурун токтотуу жөнүндө арыз жазды. Бул тууралуу Алмаз Баатырбеков NazarNews маалымат агенттигине тастыктады.

Анын айтымында, мандатты тапшыруу 2020-жылы күзүндө боло турган парламенттик шайлоого даярдык менен байланыштуу.

"Партиядан талапкерлердин тизмесинде кийинки орунду Бейшенаалы Нурдинов ээледи. Ал Шайлоо жана референдум өткөрүү боюнча борбордук комиссиянын тиешелүү чечиминен кийин ЖКнын депутаты боло алат.

Бүгүн, 9-июнда БШКнын отуруму болот", - деди Баатырбеков.

Белгилей кетсек, Шаршенбек Абдыкеримов менен Алмаз Баатырбеков классташ.

Эске сала кетсек, бир күн мурун аталган партиянын дагы бир депутаты Руслан Чойбеков өз каалоосу менен кызматтан кеткен.

Булак: NazarNews.kg

Поделитесь с друзьями