23-августта Сокулук районунун Кашка-Баш айылындагы үйлөрдүн биринин уктоочу бөлмөсүнөн башынан жаракат алган 23 жаштагы кыздын жансыз денеси табылган.

Чүй облустук ички иштер башкы башкармалыгынын басма сөз кызматы 28-августта билдиргендей, бул факт КР Кылмыш-жаза кодексинин 122-беренесинин («Киши өлтүрүү») негизинде РИИБге катталды.

Чүй ОИИБинин жана Сокулук РИИБнин кызматкерлери тарабынан кылмышка шектүү жаран кармалды. Ал маркум кыз Ж.М.нын 2008-жылы туулган иниси экени аныкталып, шектүү убактылуу кармоочу жайга жайгаштырылды.

Тергөө иштери уланууда.

Булак: NazarNews.kg