Бүгүн, 5-сентябрда Чүй облусунун Сокулук районунун Сокулук айылынын Кайназарова көчөсүндө жайгашкан турак үйдөн өрт чыгып, 8 жаштагы бала каза болду. Бул тууралуу NazarNews маалымат агенттигине ӨКМдин басма сөз кызматынан билдиришти.

Маалыматка ылайык, өрт тууралуу маалымат түшөөрү менен өрттү өчүрүүгө саат 06:10до Сокулук райондук №23 ӨКБдан 1 бөлүм, саат 06:20да кошумча 1 бөлүм, жалпы 2 бөлүм тартылган.

Өрт саат 09:59да толук өчүрүлгөн. 

Өрттүн кесепетинен 2015-жылы туулган М.Н. аттуу жаш бала каза болгон.

Маалыматка караганда, өрт чыккан үйдү 3 жылдан бери 4 балалуу жубайлар ижарага алып жашап келишкен. Үй ээси 3 баласын алып чыгып, 1 баласын алып чыгууга үлгүрбөй калган. 

Булак: NazarNews.kg