-Президенттик шайлоого аттанган талапкерлердин барынын күчү жана акчасы бирдей. Биринчи турда тең чыгып, экинчи турга калганда бийлик шайлоонун жыйынтыгын бурмалайт. Акчалуу талапкерлер элди көтөрүп чыгып, эл кагылышат. Чоң тополоң болот, адилеттүүлүк менен шайлоону өткөрбөсө айрым бийлик адамдарынын айрымдарынын каны төгүлүшү мүмкүн. Атамбаев курчоодо калышы ыктымал. Сооронбай Жээнбековдор административдик чара колдонуп бийликти менчиктесе  арты жамандык болуп, Кыргызстандан качып чыгышат. Убактылуу бийликке жаш курагы 40тан өткөн орто бойлу жигит келет. Ал элдин тынчтыгын сактап, бийликти жаштар алат. Мамлекетте чоң өзгөрүү болот. Алгач эл аябай кыйналат, 2-3 жылдан кийин Кыргызстан дүркүрөп өнүгөт. Текебаев, Жапаровдор камактан чыгат, бирок кызматка барбайт. Алар насаатчы катары элдин арасында тынч жашайт. 2005-2010-жылдагы көп чындык ачыкка чыгат. Эки президентти элдер кечирип Кыргызстанга алып келет. Кыргыз эли улуулугун көрсөтүп өткөн үчүн кечиришет. Андан ары элдин жашоосу оңолот. Жамандык болбош үчүн, бийлик, эркиндикти элге бериш керек.

Булак: NazarNews.kg