www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg

Кыргыз Республикасынын Президенти Сооронбай Жээнбеков бүгүн, 8-октябрда Кыргызстанга Эл аралык Ысык-Көл форумуна катышууга келген Монголиянын экс-президенти Намбарын Энхбаярды кабыл алды.

Президент Сооронбай Жээнбеков ардактуу мейманга «Чыңгыз Айтматов жана учур чакырыктары» Эл аралык Ысык-Көл форумуна катышкандыгы үчүн ыраазычылык билдирди.

«Сиздин жана көптөгөн чет элдик меймандардын азыркы учурдун көрүнүктүү жазуучу-гуманисти, мамлекеттик жана коомдук ишмер Чыңгыз Айтматовдун 90 жылдык юбилейине арналган Форумга катышуусу учурда көтөрүлүп жаткан дүйнөлүк маселелердин актуалдуулугун дагы бир жолу ырастап турат», — деп белгиледи Мамлекет башчысы.

Монголиянын мурдагы президенти бул иш-чаранын дүйнөнүн элдерин жакындатуу жана учурдун актуалдуу талаптарын чечүүдөгү маанисин белгилеп, улуу жазуучуга арналган форумду жогорку деңгээлде уюштургандыгы үчүн Президент Сооронбай Жээнбековго ыраазычылык билдирди.

«Чыңгыз Айтматов — кыргыз элинин гана чыгаан уулу болбостон, дүйнөнүн бардык көчмөн элдеринин сыймыгы болгондуктан, мен бул Форумга катышууну өз милдетим деп эсептедим», — деп белгиледи Монголиянын экс-президенти Намбарын Энхбаяр.

Булак: NazarNews.kg

Последние новости