Кечээ, 17-августта таңкы саат 09:40 чамасында Карши шаарында бир топ кишилер самбо боюнча спорт чебери Элбек Рахимовго кол салышкан.

Буга чейин социалдык түйүндөрдө бир топ киши белгисиз адамды сабап, андан кийин күч колдонуп унаага салып жаткан видео тараган. Кийинчерээк сабалып өлтүрүлгөн адам спортчу Элбек Рахимов экени аныкталып, сөөгү табылган.

Өзбекстандын Башкы прокуратурасы бул факт боюнча Кылмыш жаза кодексинин 97-беренеси (Атайылап киши өлтүрүү) боюнча кылмыш иши козголгонун билдирди.

Козголгон кылмыш ишинин алкагында шектүү катары 7 адам аныкталып, анын ичинен 6 адам процессуалдык тартипте кармалган. Учурда тергөө иштери жүрүп жатат.

Булак: NazarNews.kg