Катар Мамлекетинин Эмири шейх Тамим бин Хамад Аль Тани Өзбекстан Республикасынын Президенти Шавкат Мирзиёевдин коштоосунда байыркы жана кооз Самарканд шаарынын ажайып архитектуралык эстеликтери менен таанышты.

Алгач мамлекет башчылары Мирзо Улугбектин обсерваториясына жана музейине барышты. Улуу астроном жана башкаруучу Мухаммед Тарагай Мирзо Улугбек илим менен маданияттын өнүгүшүнө эбегейсиз салым кошкон. Ал орто кылымдар үчүн уникалдуу обсерватория куруп, анда асман телолорун жогорку тактык менен изилдеген.

Андан ары лидерлер Афросиаб музейине барышты, анын уникалдуу экспонаттары жана дубал сүрөттөрү улуу Самарканддын үч миң жылдык тарыхын ачып берет. Дубал сүрөттөрүнүн биринде Афросиабдын башкаруучусунун элчилерди кабыл алуу жөрөлгөсү чагылдырылган, бул ата-бабалардын дипломатияга жана өткөн кылымдарга тереңдеп кеткен Чыгыш элдери менен болгон байланыштарга чоң көңүл бургандыгын айгинелеп турат.

Иш сапардын жүрүшүндө ардактуу конокко бул имараттын курулуш тарыхы жана жасалгаларынын өзгөчөлүктөрү, аянтта жүргүзүлүп жаткан реставрация иштери тууралуу айтылды. Катардын эмири медресе менен чын ыкластуу кубаныч менен таанышты.

Андан соң мамлекет башчылары Самарканддын эл аралык туристтик борборундагы Түбөлүк шаар комплексине барышты.

Булак: NazarNews.kg