Судандын бийликтен кулатылган президенти Омар ал-Башир көп сандаган туткундун коштоосунда Кобер түрмөсүнөн качып кетти. Өлкөдөгү эң эски түзөтүү абагына кол салууну белгисиз адамдар тобу жасаган. Бул тууралуу Al Arabiya агенттиги билдиргенин MIR24 телеканалы билдирди.

Судан армиясы диктатор Омар ал-Баширди 2019-жылдын апрель айында массалык нааразылык акциялары маалында тактыдан кулаткан. Ал 30 жылдан ашык өлкөнү башкарган.

Судандагы кырдаал 15-апрелде курчуп кеткен. Андан кийин өлкөнүн бир катар аймактарын камтыган армия менен ыкчам аракеттенүүчү күчтөрдүн ортосунда кагылышуулар башталган.

Саламаттыкты сактоо министрлигинин маалыматы боюнча, Суданда согуш башталгандан бери 600дөн ашуун адам каза болду. Бир нече өлкөнүн дипломатиялык өкүлчүлүктөрү өз мамлекеттеринин жарандарын эвакуациялоону ишке ашырышууда.

Булак: NazarNews.kg