www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Бүгүн, 26-октябрда, Баткен жоокерлеринин эстелигине гүлчамбар коюлду. Бул тууралуу Коргоо министрлиги билдирет.
Белгилей кетсек, бул күнү - 1999-2000-жылдардагы эл аралык бандалык түзүмдөрдү жок кылууда аскердик милдетин аткаруу учурунда курман болгондор эскерилет.
Коргоо министри, генерал-майор Бактыбек Бекболотов - берген антына бекем туруп, өлкөнүн эгемендиги үчүн өмүрүн берген жоокерлер элдин эсинде түбөлүккө сакталаарын белгиледи.
Иш-чара Советтер Союзунун Баатыры, генерал-майор Дайыр Асанов атындагы "Жеңиш" паркында митинг-реквием менен уланды. Анда курман болгондор эскерилип, үч жолку залп менен ок атылды.
Эскерүү иш-чарасына коргоо министри, генерал-майор Бактыбек Бекболотов, Коргоо министрлигинин борбордук аппаратынын, Куралдуу күчтөрдүн Генералдык штабынын башкаруу органдарынын өздүк курамы, Бишкек гарнизонунун аскер бөлүктөрүнүн кызматкерлери, Баткен жоокерлеринин республикалык кеңешинин, Баткен жоокерлеринин республикалык комитетинин өкүлдөрү, ошондой эле, Баткен окуясында каза болгон аскер кызматкерлеринин үй-бүлө мүчөлөрү жана жакындары катышты.
Булак: NazarNews.kg
< Предыдущий
Следующий >
Последние новости
