Белгилүү диктор, тележурналист Чынара Капарова өзүнүн соц баракчасы аркылуу, талкуу жараткан Сооронбай Жээнбековду обу жок мазактаган сүрөттөрдүн авторлоруна, Кыргыз Республикасынын мыйзамындагы президенттин ар-намысы тууралуу беренесин эскертти;

Кыргыз Республикасынын Президенти жөнүндө жазуудан мурда КР Конституциясынын «КР Президенти» жөнүндө бөлүмүн бир окуп койсоңуздар, өзгөчө айрым журналисттер! Кокус Прокуратура иш козгоп, же Президент сотко кайрылса «куугунтук» деп кыйкырып чыкмайынар бар эле. Президент биздин мамлекеттин башчысы, аны эл шайлаган. Обу жок мазактап, келекелеп, тамашага салуу маданиятсыздыктын нак белгиси.

...1.6...Президенттин ар-намысы менен аброю мыйзам менен корголот. КР Президентинин ар-намысы менен аброюна шек келтирген маалыматтар таркап кеткен учурда КР Башкы прокурору, эгерде прокурордук көңүл бөлүүнүн башка жолдору тийиштүү натыйжа бере албаса, КР Президентинин атынан анын ар-намысы менен аброюн коргоо үчүн сотко кайрылууга милдеттүү..

Булак: NazarNews.kg