АКШнын Калифорния штатында узак убакыттан бери токтобой жаткан өрт өлкө жарандары үчүн коркунуч жаратууда. Контролдоо оңойго турбаган өрттү токтотуу үчүн аймактык өрт өчүрүү кызматы күн-түн дебей тынымсыз ишеп жатышат. Жума күнү башталган Creek өртү азыркы күнгө чейин 144 миң аймактагы жерди күлгө айлантып, Сан-Франциско шаарында асман сары түскө бөлөндү.

Асмандын түс өзгөртүү себеби штаттын түндүгүндөгү Mendocino улуттук токоюнда чыккан өрттөн улам экендиги билинди. Сан-Францисконун жашоочулары сырттагы өзгөрүүгө таң калуу менен көрүнүштү социалдык тармактарда бөлүшүп жатышат.

Бул тууралуу Калифорниянын губернатору Гавин Невсом кечээ социалдык баракчасында бөлүшкөн билдирүүсүндө: “АКШда бул жылы 2 млн гектардан ашуун аймак күлгө айланды”, - деп, былтыркы жылга салыштырмалуу көп экенин кошумчалады.

Булак: NazarNews.kg