Өзбекстандын Ташкент шаардык ички иштер башкармалыгына жергиликтүү жашоочу (аял киши) 21 жаштагы келин 3 айлык баласын 5 миң долларга сатууга аракет кылганын билдирип, арыз менен кайрылды. Бул тууралуу өзбек басылмалары жазып чыгышты. 

Ташкент милициясынын маалыматы боюнча, ыкчам иш-чаралардын негизинде наристени сатуу үчүн акча алып жаткан жеринен 21 жаштагы Наталья жана аны менен чогуу жашаган 24 жаштагы Александр кармалган.

Топтолгон материалдар прокуратура органдарына өткөрүлүп берилип, азыркы учурда тиешелүү иш-чаралар жүрүп жатканы кабарланды.