www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Равшанбек Сабиров Жалал-Абад облусуна жасаган иш сапарынын алкагында Бишкек-Ош автожолунун Маданият - Жалал-Абад участогунун курулушу менен таанышты.
Жаңыланып салынып жаткан жолдун жалпы узундугу 67 чакырым. Жол курулушунан тышкары 8 көпүрө, 181 чакан жасалма курулуш, базарлардын жанындагы унаа токтотуучу жайлар, жөө жүргүнчүлөр өтө турган жол, калктуу пункттарда аялдамалар салынат. Планга карата долбоор 2022-жылдын июнь айында бүткөрүлөт.
Вице-премьер-министр бул автожолдун стратегиялык маанисин белгилеп, долбоорду өз мөөнөтүндө аяктоо тапшырмасын берди.
«Бул долбоор толугу менен ишке ашырылса, Ош-Бишкек каттамындагы жол кыймылынын өткөрүү мүмкүнчүлүгү жогорулайт. Пандемиядан кийинки кризисти эске алганда бул долбоорду ишке ашыруу экономикалык жигердүүлүккө жакшы таасирин тийгизет. Тагыраак айтканда, товар ташуунун көбөйүшүн шарттайт. Ошондуктан каттамды салуу ишин белгиленген мөөнөттө бүткөрүү зарыл», - деди Равшанбек Сабиров.
Вице-премьер-министр белгилегендей, жаңыланып салынып жаткан жолдун сапаты тыкыр көзөмөлгө алынышы керек.
Транспорт жана жолдор министрлигинин маалыматы боюнча, Маданият - Жалал-Абад жолунун 16 чакырымы курулуп бүттү. Жалпысынан каттамды куруу ишине 150 киши тартылган, анын 90% жергиликтүү эл түзөт.
Булак: NazarNews.kg
< Предыдущий
Следующий >
Последние новости
