Коронавирус илдети менен күрөшүүдө дарыгерлерди коргоочу кийим-кечелер менен камсыз кылуу негизги маселелердин бири.

Учурдагы жагдайды түшүнгөн жеке ишкер Нариман Түлеев бүгүн, 29-апрелде Нарын облусундагы медицина кызматкерлерине жардам катары коргонуучу кийим-кечелердин топтомун тапшырды. Бул тууралуу КР Өкмөтүнүн Нарын облусундагы ыйгарым укуктуу өкүлүнүн басма сөз кызматы билдирди.

Тактап айтканда, дарыгерлерге жалпы баасы 1 миллион 500 миң сомду түзгөн 800 даана комбинезон, 1000 даана респиратор, 10 000 даана беткап жана 1000 даана бетти коргогуч каражаттары берилди.

“Оор кырдаалда эл-журтуна тирек болгон Нариман Түлеевге жалпы теңиртоолуктардын жана дарыгерлердин атынан терең ыраазычылык билдиребиз”,-деп айтылат маалыматта.

Булак: NazarNews.kg