Бүгүн, 2-майда Бишкек шаарынын вице-мэри Азизбек Алымкулов уруксат кагаздары жана уруксат берилген ишкерликтин түрлөрү боюнча тууралуу маалымат берди.

Анын айтымында сутка ичинде уруксат кагазын алуу үчүн жалпы 13 миң 43 арыз түшкөн, алардын 1 миң 687си жактырылып, 10 миң 521 арыздан баш тартылган.

"Баш тартуулардын саны көп болушунун эң негизги себеби бул жарандар тарабынан арыз туура эмес толтурулуп, тийиштүү документтер көрсөтүлбөгөнү болуп эсептелет. Ар бир тийиштүү орган келген арыздарды тыкыр карап, андан соң гана уруксат кагаздары берилүүдө", - деп билдирди вице-мэр.

Булак: NazarNews.kg