Талас облусунун Бакай-Ата районунда 29-июнда жоголгон 20 жаштагы Гүлнур Аскарбекова табылды. Бул тууралуу бүгүн, 2-июлда Талас ОИИБдин басма сөз кызматы билдирди.

Маалыматка ылайык, кыздын ата-энеси ал 29-июнь күнү үйүнөн чыгып кеткен бойдон дайынсыз деп 30-июнь күнү милицияга арыз жазган.

“Биздин Бакай-Ата райондук ички иштер бөлүмүнүн кызматкерлери тарабынан кыздын 1-июль күнү Бишкек шаарында жүргөнү аныкталды. Ал аман-эсен табылды. Бишкек шаарына барып, турмушка чыкканы белгилүү болду. Жолдошу Ысык-Көл облусунун тургуну экен. Экөө тең сурака чакырылып, түшүнүк беришти. Кыздын ата-энеси тосмо арыз жазып беришти”, — деп айтылат маалыматта.

Булак: NazarNews.kg