Кечээ, 19-апрелде болжол менен саат 15:30да Талас облусунун Көк-Токой айылында үч унаа катышкан жол кырсыгы болду. Бул тууралуу облустук ички иштер башкармалыгы билдирди.

"Жол кырсыгынын кесепетинен жабыркаган үч айдоочу Талас райондук ооруканасына жеткирилди. Ал эми алардын бири дагы эле медициналык мекемеде, эки жабырлануучу үйүнө чыгарылган. Унаалар унаа токтотуучу жайга коюлган" – деп айтылат маалыматта.

Учурда кырсыктын чоо-жайы такталып жатат.

Булак: NazarNews.kg