Бүгүн, 13-мартта Улутстаткомдо Кыргыз Республикасынын 2018-жылдын январь-февралындагы социалдык-экономикалык абалынын жыйынтыктары талкууланган пресс-конференция болуп өттү. Бул туурасында аталган комитеттин басма сөз кызматы маалымдады.

Комитет берген маалыматка караганда, жашылча жемиштеринин баасы аталган убакытта 10,4, алма 7,1, картошка 4,9, сүт 3,1 пайызга өскөнү байкалган. Ушуну менен катар гречканыкы 6,7, кумшекердики 2, балыктыкы 1,9, өсүмдүк майыныкы 0,7, жана ундун баасы 0,5 пайызга төмөндөгөн.

Ал эми Январь жана февраль айында тамеки заттары жана спирт ичимдиктерине болгон баа өткөн жылдын ушул мезгилине салыштырмалуу 5 пайызга жогорулаган.

Булак: NazarNews.kg