"Таза шайлоого кепилдик берем, бул шайлоо баарына үлгү болот дегенден азырынча карманып турушубуз керек", - деди бүгүн, 30-октябрда, NazarNews маалымат агенттигине экс-депутат Ташболот Балтабаев.

- Ташболот-агай, БШК Талант Мамытовду каттабай койгону таза шайлоого аракеттер башталды, мыйзам бузгандар оюндан четтетилди десек болобу? 

- Таза шайлоого кепилдик берем, баарына бул шайлоо үлгү болот дегенден азырынча карманып турушубуз керек. Анткени, азыр аракеттер гана болуп жатат. Талант Мамытовду БШК каттабай койду, шайлоодон четтетип койду деп айталбайм.

Анткени, ал ишти соттор толук чечип, Жогорку соттон да чечим чыкса, ошондо гана мыйзам бузганы үчүн катталбай калды деп айтсак болот. Ошон үчүн арабанын алдына түшүп чуркабай эле турганыбыз оң.

Булак: NazarNews.kg