Бүгүн, 24-ноябрда эртең мененки саат 06:13 чамасында Ташкент шаарында жүргүнчүлөрдү ташыган автобус өрттөндү. Өлкөнүн Өзгөчө кырдаалдар министрлигинин маалыматы боюнча, № 116 автобустун айдоочусу алгачкы жүргүнчүлөрдү алуу үчүн бара жатканда өрт чыккан.

Айтылган дарекке 4 мүнөттөн кийин жеткен өрт өчүрүүчүлөр саат 06:26да өрттү чектеп, саат 06:39да толугу менен өчүрүштү. Айдоочу өрт башталганда эле салондон жерге түшүп кетүүгө жетишкен. Өрттөн адам жаракат алган жок.

Булак: NazarNews.kg