www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Тажикстандын транспорт министри Худоёр Худоёрзода ээлеген кызматынан бошотулду. Президент 31-августта кол койгон жарлыкта аткаминер пенсияга чыккандыгына байланыштуу кызматтан алынганы жазылган.
Президенттин башка жарлыгы менен Транспорт министрлигинин башчылыгына Азим Иброхимов дайындалды. Ал буга чейин вице-премьер кызматында иштеп келген.
Расмий маалыматтарга ылайык, 62 жаштагы Худоёр Худоёрзода 11-августта үй-бүлөлүк жаңжалдан улам бычак менен өз өмүрүнө кол салып, аны жакындары сактап калышкан. "Истиклол" медициналык борборунун дарыгерлеринин бири анын ичине эки жолу бычак сайылганын айткан.
19-августта Худоёрзода «Озоди» радиосуна суицид аракети боюнча комментарий берүүдөн баш тарткан. «Ооруканадан качан чыгарышарын билбейм. Чечимди дарыгерлер кабыл алат. Ушул тапта дарыланып жатам», - деген ал.
Худоёр Худоёрзода Транспорт министрлигин 2017-жылдан бери башкарып келген. Ага чейин Тоолуу-Бадахшан автоном облусунун мажлис депутаты, Тажикстан парламентинин жогорку палатасынын мүчөсү болгон.
Булак: centralasian
< Предыдущий
Следующий >
Последние новости
