Бүгүн, 17-сентябрь саат 09:00гө карата алынган ыкчам маалыматтарга таянсак, чек ара чырынан жабыркагандардын саны 103 кишиге жетти.

Саламаттык сактоо министрлиги билдиргендей, беш жабырлануучу амбулатордук дарылоого жөнөтүлгөн.

Жарааттардын мүнөздөмөсү боюнча, негизинен, дененин ар кайсы бөлүгүнө ок тийген жана жарылуудан алган жарааттар.

1. Баткен облустук бириккен ооруканасы - 41 жабырлануучу;

2. ЖДПБ Лейлек - 21 жабырлануучу;

3. ЖДПБ Кулунду - 3 жабырлануучу,

4. ЖДПБ Сүлүктү – 6 жабырлануучу,

5. Улуттук госпиталда - 20 жабырлануучу,

6. Улуттук хирургия борборунда – 1 жабырлануучу.

7. Улуттук эне жана баланы коргоо борборуна – 6 жабырлануучу.

Андан тышкары, куралдуу кагылышуудан 24 кыргызстандык мерт кетти.

УКМК төрагасы Камчыбек Ташиев кыргыз-тажик чек арасындагы чырдан кыргыз тараптан жоготуулар көп экенин айткан.

Эске салсак, эки өлкөнүн президенттери Садыр Жапаров менен Эмомали Рахмон Самаркандда бул маселе боюнча жолугуп, чек арадагы абалды талкуулашкан.

Булак: NazarNews.kg